Norbu’s Journey to Lhasa | བུ་ནོར་བུ་ཉི་མ་ལྷ་སར་བསྐྱོད་པ། | Kunchok Rabten
Norbu’s Journey to Lhasa is one of the series from “The Adventures of Norbu”. This series follows the journey of a small boy named Norbu, who embarks on travels to the most sacred mountains and lakes of Tibet, mapping out the region from Mount Kailash in the west to the Kokonor lake in the east. The first installment of the series, titled "Norbu’s Journey to Lhasa," was published in November of the previous year.
Pages: 14
Script: Tibetan
Made in India
Norbu’s Journey to Lhasa is one of the series from “The Adventures of Norbu”. This series follows the journey of a small boy named Norbu, who embarks on travels to the most sacred mountains and lakes of Tibet, mapping out the region from Mount Kailash in the west to the Kokonor lake in the east. The first installment of the series, titled "Norbu’s Journey to Lhasa," was published in November of the previous year.
Pages: 14
Script: Tibetan
Made in India
Norbu’s Journey to Lhasa is one of the series from “The Adventures of Norbu”. This series follows the journey of a small boy named Norbu, who embarks on travels to the most sacred mountains and lakes of Tibet, mapping out the region from Mount Kailash in the west to the Kokonor lake in the east. The first installment of the series, titled "Norbu’s Journey to Lhasa," was published in November of the previous year.
Pages: 14
Script: Tibetan
Made in India
<<བུ་ནོར་བུའི་གཏམ་རྒྱུད།>>ཅེས་པའི་ལས་འཆར་གྱི་ངོ་སྤྲོད་མདོར་བསྡུས།
<<བུ་ནོར་བུའི་གཏམ་རྒྱུད།>>ཅེས་པ་འདི་ནི་བདག་གིས་མ་འོངས་པའི་ལོ་ཤས་ནང་འབྲི་འཆར་ཡོད་པའི་བྱིས་པའི་མུ་འབྲེལ་གཏམ་རྒྱུད་ཅིག་ཡིན་ཞིང་། མུ་འབྲེལ་གཏམ་རྒྱུད་འདིའི་ནང་དུ་བུ་ནོར་བུ་དང་། ཁྱི་དར་རྒྱ་གཉིས་(མི་སྣ་གཙོ་བོ་གཉིས།)བོད་ཀྱི་རྒྱལ་ས་ལྷ་ས་དང་། ཡུམ་བུ་བླ་མཁར། སྟོད་ཀྱི་གངས་རིན་པོ་ཆེ། སྨད་ཀྱི་རྨ་ཆེན་གངས་རི། བར་གྱི་གཉན་ཆེན་ཐང་ལྷ། མ་ཕམ་གཡུ་མཚོ། གནམ་མཚོ་ཕྱུང་མོ། དེ་བཞིན་ཁ་བབ་བཞི་དང་རྨ་འབྲི་རྫ་གསུམ་ལ་སོགས་པའི་བོད་ཀྱི་གནས་རི་དང་མཚོ་རྩ་ཆེན་རྣམས་ལ་གནས་སྐོར་དུ་བསྐྱོད་པ་དང་། ལམ་བར་དུ་ཁོ་གཉིས་ལ་བོད་ཀྱི་ཐུན་མོང་མ་ཡིན་པའི་རི་དྭགས་དང་གཅན་གཟན་སྣ་ཚོགས་དང་འཕྲད་ནས་དེ་དག་ལ་ཁོ་གཉིས་གནས་སྐོར་དུ་སྐྱོད་པའི་རྒྱུ་མཚན་དང་འབྲེལ་བའི་ཁ་བརྡ་དང་གླེང་མོལ་བྱེད་ཀྱི་ཡོད།
བྱིས་པའི་མུ་འབྲེལ་གཏམ་རྒྱུད་འདིའི་ནང་དུ། ངོ་མཚར་ཞིང་དགོད་བྲོ་བའི་གཏམ་རྒྱུད་འདྲ་མིན་སྣ་ཚོགས་ཀྱི་ལམ་ནས་བོད་ཀྱི་ན་ཆུང་བྱིས་པ་ཚོར་ཉོབ་སྣང་དང་དཀའ་སྣང་མེད་པར་བོད་རྒྱལ་ཁབ་ཆེན་པོའི་ས་ཁོངས་དང་། མེས་པོའི་གནའ་ཤུལ། དེ་བཞིན་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་རྩ་ཆེན་རྣམས་ངོ་སྤྲོད་བྱེད་ཀྱི་ཡོད། །
ལས་འཆར་འདིའི་སྒྲུང་དང་པོའི་ངོ་སྤྲོད་མདོར་བསྡུས།
བདག་གི་ལས་འཆར་འདིའི་སྒྲུང་དང་པོ་སྟེ། <<བུ་ནོར་བུ་ཉི་མ་ལྷ་སར་བསྐྱོད་པ།>>ཞེས་པའི་གཏམ་རྒྱུད་ནང་དུ་བུ་ནོར་བུས་ཕ་མ་དང་རྒན་པ་ཚོའི་ངག་ནས་ཉི་མའི་ལྷ་སའི་སྐོར་གྱི་གཏམ་རྒྱུད་མང་པོ་ཞིག་གོ་རྗེས། སོ་སོའི་ཁྱི་དར་རྒྱ་ཁྲིད་དེ་དངོས་སུ་ཉི་མ་ལྷ་སར་བསྐྱོད་པའི་ལམ་དུ་ཞུགས་པ་དང་། ལམ་བར་ནས་ཁོ་གཉིས་ལ་གཡག་ནག་པོ་དང་། ལུག་དཀར་པོ། རྟ་རྐྱང་དམར། དོམ་ཁྲ་ཁྲ་བཅས་ལ་འཕྲད་པ་དང་། ཁོ་གཉིས་ཀྱི་བོད་ཀྱི་ཐུན་མིན་གྱི་སེམས་ཅན་དེ་དག་ལ་རྒྱལ་ས་ལྷ་ས་དང་། ཕོ་བྲང་པོ་ཏ་ལ། ཇོ་བོ་རིན་པོ་ཆེ་བཅས་ངོ་སྤྲོད་བྱེད། །
ལས་འཆར་གྱི་རྒྱབ་ལྗོངས།
འཛམ་གླིང་ཡང་རྩེར་ཆགས་པའི་བོད་གངས་ཅན་པ་འདི་ཆོས་དང་རིག་གཞུང་། དེ་གཉིས་ཀྱི་རྩ་བ་སྐད་ཡིག་བཅས་ཀྱིས་ཤིན་ཏུ་ཕྱུག་པའི་མི་རིགས་རླབས་ཆེན་ཞིག་ཡིན་ན་ཡང་། ཕྱི་ལོ་ ༡༩༥༩ ལོར་རྒྱ་དམར་གྱི་དྲག་པོའི་བཙན་འཛུལ་བྱས་ཏེ་བོད་ས་ཡོངས་རྫོགས་ཁྲིམས་འགལ་ཐོག་ནས་ཧམ་འཛིན་བྱས་པ་ནས་བཟུང་། བོད་ཀྱི་སྐད་ཡིག་དང་ཆོས་རིག་ལ་སྔར་གཏན་ནས་འཕྲད་མྱོང་མེད་པའི་འཇིག་ཉེན་ཁ་གསར་པ་ཞིག་འཕྲད་འགོ་ཚུགས།
དེ་ལྟ་བུའི་རྩ་མེད་འགྲོ་བའི་ཉེན་ཁ་ཆེན་པོ་ཞིག་འཕྲད་བཞིན་པར་བརྟེན། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དབུས་པའི་བོད་ཕྱི་ནང་གི་བླ་ཆེན་དང་མཁས་པ་རྣམ་པས་བོད་ཀྱི་ཆོས་དང་རིག་གཞུང་། དེ་གཉིས་ཀྱི་རྩ་བར་གྱུར་བའི་སྐད་ཡིག་ཉམས་པ་སླར་གསོ་དང་། མ་ཉམས་རྒྱུན་འཛིན་དགོས་པའི་བཀའ་སློབ་ལམ་སྟོན་ཡང་ནས་བསྐྱར་དུ་བསྩལ་དང་སྩོལ་མུས་སུ་ཡོད་སྟབས། བདག་གིས་ཀྱང་རང་ནུས་གང་ཡོད་ཀྱིས་སོ་སོའི་གཅེས་པའི་སྐད་ཡིག་འདིའི་ཚེ་སྲོག་གི་རྒྱུན་སྲིང་བའི་འབད་བརྩོན་ཞུ་འདོད་པ་ཡིན།
མི་རིགས་ཤིག་གི་ཆོས་དང་རིག་གཞུང་མ་ཉམས་པར་གནས་དགོས་ན། དེའི་སྐད་ཡིག་གནས་དགོས་པ་དང་། སྐད་ཡིག་གནས་དགོས་ན། “མ་འོངས་སོན་རྩར་”གྱུར་བའི་བྱིས་པ་ཚོས་སྐད་ཡིག་དེ་སྦྱོང་སྤྱོད་སྤེལ་གསུམ་བྱེད་དགོས་ཤིང་། བྱིས་པ་ཚོ་ལ་དཀའ་སྣང་མེད་པར་སྤྲོ་བས་སྐད་ཡིག་སློབ་སྦྱོང་བྱེད་དུ་འཇུག་པའི་ཐབས་ལམ་ལེགས་ཤོས་ནི་བྱིས་སྒྲུང་སྤུས་ལེགས་མཁོ་སྤྲོད་བྱེད་རྒྱུ་དེ་ཡིན་ན་ཡང་། ང་ཚོའི་བཙན་བྱོལ་སྤྱི་ཚོགས་ནང་སོ་སོའི་སྐད་ཡིག་ནང་བྱིས་སྒྲུང་བརྩམས་པའམ། ཡང་ན་འཛམ་གླིང་གི་བྱིས་སྒྲུང་གྲགས་ཅན་རྣམས་ཚུར་བོད་སྒྱུར་ཞུས་པ་མི་འདང་བའི་དཀའ་ངལ་ཞིག་ཡོད་པ་ནི་དོ་སྣང་ཅན་ཚོའི་མཐོང་གསལ་དུ་ཡོད། དེ་བས་ཁོ་བོས་ལོ་ཤས་གོང་དུ་རང་འཁྲིའི་ལས་འགན་དང་དུ་བླངས་ཏེ་དཀའ་བ་ཆེད་གསོད་ཀྱིས་འཛམ་གླིང་གི་གྲགས་ཅན་བྱིས་སྒྲུང་<<བུ་ཆུང་ཕེ་ནོ་ཁོའི་གཏམ་རྒྱུད།>> (The Adventures of Pinocchio)བོད་ཡིག་ཏུ་བསྒྱུར་བ་ཡིན་ལ། ད་ལྟ་རང་ཉིད་ཀྱིས་<<བུ་ནོར་བུའི་གཏམ་རྒྱུད།>>ཅེས་པའི་བྱིས་པའི་མུ་འབྲེལ་གཏམ་རྒྱུད་འབྲི་རྩོམ་དང་པར་སྐྲུན་བྱེད་པའི་ལས་འཆར་འདིའི་འགོ་རྩོམ་བཞིན་པ་ཡིན།
